Master jay na mabadiliko ya biashara ya muziki Tanzania

Hivi karibuni Joakim Kimaryo  a.k.a Master Jay Producer mkongwe na mmiliki wa studio ya Mj Records alipata nafasi ya kufanya mahojiano na kituo kimoja cha redio hapa Tanzania na katika mahojiano hayo Master Jay alitupatia historia nzuri ya biashara ya studio za muziki zilivyoanza, Master Jay alisema kuwa hapo kabla alikuwa anarekodi muziki bure maana wasanii walikuwa hawana  uwezo na zaidi ya hapo Muziki wa bongo fleva ulikuwa unapata nafasi finyu sana kwenye vituo vya redio mara nyingi ilikuwa haizidi dakika tano,

Master Jay anamkumbuka Mr II, Joseph mbilinyi kama mwanamuziki wa kwanza aliyeweza kulipa mkwanja mkubwa kwa wakati huo pale alipoweza kulipia shilingi elfu tano( buku tano) kwa kila nyimbo wakati aliporekodi album yake katika studio za mj records

Master Jay anasema kwa sasa kuna utitiri wa Studio kama saloon na hakuna standard na kuna baadhi ya studio zinatoza hata shilingi elfu arobaini kwa nyimbo moja, kitu ambacho master anaona kinatishia uhai wa biashara ya kurekodi muziki nchini, Master Jay anaona ni lazima kuwa na kiwango cha chini cha kutoza akitolea mfano wa kampuni za simu na akaeleza kuwa  gharama za juu zitokane na ubora wa production au kwa lugha ya kigeni value added per production house.  Master Jay amewaasa walioko katika biashara ya kurekodi muziki Tanzania kunzingatia ubora na kuwa na muafaka wa kiiwango cha chini cha gharama miongoni mwao ili kufanya biashara hiyo iwe na manufaa na endelevu. Hongera Master Jay