Taarifa Kamili ya Ajali iliyosababisha kifo cha Mchezaji wa Timu ya Simba, Patrick Mafisango

Patrick Mutesa Mafisango mchezaji kiungo wa Timu ya Soka ya Simba Dar Es Salaam na Timu ya Taifa ya Rwanda Amavubi amefariki leo alfajiri majira ya saa kumi na robo alfajiri  kwa ajali ya gari maeneo ya Tazara jijini dar Es Salaam.

Mauti ilimfikia mchezaji huyo akiwa njiani kurejea nyumbani kwake pale alipokuwa anajaribu kumkwepa mwendesha pikipiki na gari kuserereka na kuingia katika mtaro kitendo kilichosababisha gari hiyo kupinduka, Mafisango aliyekuwa pamoja na mdogo wake na rafiki yake alipata maumivu makubwa na alifariki dunia akiwa njiani kupelekwa Hospitali ya Muhimbili. Mdogo wake pamoja na rafiki yake wanaendelea na Matibabu, na hali zao zinaendelea vizuri RIP Patrick Mutesa Mafisango.